A moleira maior empeza a pecharse ao ano e medio. Desde os 2 anos ata a vida adulta o cranio aínda crece uns centímetros en perímetro, pero xa non modifica a forma. Toda deformidade non tratada antes desta idade faise permanente.
As deformidades craniais non se resolven soas.
Do primeiro artigo que se publicou no mundo sobre tratamento con ortose cranial en catro nenos de 4 a 7 meses de idade:
- "Nalgúns pacientes a forma oblicua do cranio convértese nunha minusvalía estética permanente".
-
"Os catro pacientes que fixeron o tratamento usaron o casco continuamente de dous a tres meses, quitándoo soamente para o baño diario. En todos os casos, a asimetría cranial mellorou ostensiblemente a medida que o cerebro creceu e a cabeza encheu o casco... Nos seis pacientes non tratados ou incompletamente tratados, os graos de asimetría craniofacial permaneceron invariables entre catro a nove meses despois da avaliación inicial".
-
"Nunca saberemos se os nosos pacientes tratados resolverían a súa plaxiocefalia espontaneamente, e se o fixesen sería en moito máis tempo e sen garantía ningunha. Para o futuro, suxerimos tratamento con casco para todos os pacientes con plaxiocefalia severa e tamén para aquelas deformidades moderadas que persisten durante varios meses sen evidente melloría espontánea".
